News

SST Mini CUP 7 + 8 Final Sedrun - Slalom gigant

Mar 17, 2024

Ils 17-02-2024 ha il club da skis Sedrun organisau il SST Mini CUP Final.

Muort l’aura dalla jamna vargada havein nus stuiu decider da stuschar la cuorsa per ina jamna. Quella decisiun ha lubiu a nus d’astgar menar atras ina cuorsa cun bunas cundiziuns da neiv e dall’aura.

Nos pigns atlets han mussau bunas prestaziuns. BRAVO!

Bigna Widmer 8. plaz 5. plaz

Yann Milesi 22. plaz 21. plaz

Iouri Loretz 23. plaz 22. plaz

Leon Berther 5. plaz 5. plaz

Nils Wuillemin 29. plaz 24. plaz

Senza gidonters voluntaris fuss ei buca pusseivel da menar atras ina tala occurenza. Aschia fa ei ton pli grond plascher da promover il sport d’unviern.

El num dil club da skis Sedrun in grond ENGRAZIEL FETG a tut ils gidonters, nos sponsurs e las pendicularas Andermatt-Sedrun.

SST Mini CUP 5 + 6 - Combi race e mini kipp

Feb 27, 2024

Dumengia vargada, ils 25. da fevrer, han ils nos dus atlets Leon e Iouri priu part al SST Mini CUP. Muort la situaziun da neiv han ils organisaturs decediu da menar atras la cuorsa a Sursaissa enstagl a Vella.

Ella emprema cuorsa han ils Minis mussau lur inschign el combi race. Iouri ei setschentaus sin il 17. plaz e Leon sin il 6. plaz.

Ella secunda cuorsa da minikipp ha ei schizun dau in plaz sil podest per nies club. Leon ha contenschiu il 3. plaz e Iouri il 16. plaz.

Cordiala gratulaziun!

SST Mini CUP – mini kipp

Feb 4, 2024

Era ils minis han priu part davosa dumengia, ils 6. da fevrer, ad ina cuorsa da SST a Flem/Laax. Ils dus curriders Leon Berther e Yann Milesi han dau tut. Leon ei ius ella emprema cuorsa fetg ferm, ei denton daus ora cuort avon l’arrivada. Ella secunda cuorsa ha Leon puspei dumignau sut ils top diesch. Yann ha dumignau tier omisduas cuorsas atras l’arrivada ed ha contunschiu ils plaz 22. e 23.

Als dus atlets ina cordiala gratulaziun!